Францын Ерөнхийлөгчийн сонгуулийн шийдвэрлэх шатны санал хураалт өчигдөр болсон. Тус сонгуульд эдийн засгийн сайд асан Эммануэль Макрон, “Үндэсний фронт” намын дарга Марин Ле Пен нар тунаж үлдсэн байдаг.

Тэгвэл төвийн үзэл баримтлалт Э.Макроны кампанитын үеэр хүн нас баржээ. Тодруулбал,  түүнийг дэмжигч  Социалист намын гишүүн 50 настай Коринне Эрхел тодорхойгүй шалтгааны улмаас  нас барсан байна.  Энэ талаар намын гишүүд нь олон нийтэд мэдээлсэн байна.

К.Эрхел энэ сарын 05-нд Францын зүүн этгээдэд болсон кампанит үйл ажиллагааны  үеэр Э.Макроныг дэмжин үг хэлж байхдаа гэнэт ухаан алдан унажээ. Улмаар түүнийг эмнэлэгт хүргэсэн хэдий ч, удалгүй нас барсан байна. Талийгаач 2007 оноос хойш парламентад сууж байсан бөгөөд Макроны тэргүүлсэн “En Marche”  улс төрийн хөдөлгөөнд  оролцож явжээ.