Дорноговь аймгийн Засаг даргын “Хөгжлийн төлөө хамтдаа” үйл ажиллагааны хөтөлбөрт  цахилгаан эрчим хүчний хангамж, хуваарилах сүлжээг хэрэглэгчийн эрэлт хэрэгцээнд тулгуурлан олон улсын техник технологийг нэвтрүүлэн шинэчлэлт хийж, үйлчилгээний хүртээмжийг нэмэгдүүлэх тухай тусгажээ.

Үүнтэй холбогдуулан Сайншанд сумын 72 өрхийг цахилгаан, эрчим хүчтэй болгосон байна. Тодруулбал, зорилтын хүрээнд Сайншанд сумын дөрөв болон долдугаар багийн Бадрах хороололд амьдардаг 72 айлыг цахилгаан эрчим хүчээр хангажээ. Бадрах хороололд 6кВ, 0,4 ЦДАШ, 160 кВа дэд станц барих ажлыг "Цацрах цог" ХХК гүйцэтгэн хүлээлгэн өгсөн байна.