Номхон далайн арлын улс болох Бүгд найрамдах Вануата улсын Ерөнхийлөгч Балдвин Лонсдэйл  өнгөрөгч бямба гарагт нийслэл Порт Вила хотын эмнэлэгт таалал  төгсчээ.

Тэрээр 67 настай байсан бөгөөд тухайн өдөр гэнэт бие нь муудаж, эмнэлэгт хүргэгдсэн ч, удалгүй нас барсан байна. Түүний үхлийн шалтгааныг зүрхний шигдээс хэмээн мэдээлж байгаа юм.

Түүнийг 2014 онд христийн шашны хуврагууд Ерөнхийлөгчөөр сонгож байжээ. Улмаар 2015 оны гуравдугаар сард тус улсыг  Пэм хар салхи дайрах үед НҮБ-ын Гамшгийн аюулыг бууруулах тухай хуралд оролцож, эх оронд нь яаралтай тусламж үзүүлэхийг гуйж байжээ. Үүний дараа нутагтаа эргэн ирж, сэргээн босголтын ажилд ханцуй шамлан орж байсан гэдэг.

Мөн тэрбээр авлига хээл хахуулийг үл тэвчигч байсан бөгөөд шударга бус үйл ажиллагаанд өршөөл үзүүлэхээс татгалзан парламентаа тараах хүртэл арга хэмжээг авч явжээ.