Саудын Арабын эрх баригчид авлигын хэргээр угсаа залгамжлах ханхүү Мохаммед бин Салман тэргүүтэй язгууртнууд, бизнесмэнүүд, сайд нарыг баривчилж, дуулиан тариад байгаа билээ. Сүүлийн хэдхэн жилийн хугацаанд авлигачид Саудын төсвөөс 800 орчим тэрбум доллар болон бусад хөрөнгийг хувьдаа завшсан гэж үзэж байгаа юм.

Саудын Засгийн газраас тэдэнд хувийн хөрөнгийнхөө 70 хүртэл хувийг улсад хандивлавал суллах нөхцөл тавьжээ. Тэд энэ болзлыг зөвшөөрсөн тохиолдолд Саудын Арабын Засгийн газар төсвийн алдагдлаа нөхөх боломжтой гэж үзэж байгаа аж. Сүүлийн үед газрын тосны үнэ унаснаас тус улс их хэмжээний төсвийн алдагдал үүрэх болсон . Өнгөрсөн онд л гэхэд тэдний төсвийн алдагдал нь 79 тэрбум доллар болсон тухай хэвлэлүүдэд мэдээлж байна.

Арабын орнуудад ховор үзэгдэл болох авлигын эсрэг томоохон тэмцэл эхлүүлсэн нь угсаа залгамжлах ханхүү Мохаммед бин Салман засаглалд нөлөөгөө тогтоох гэсэнтэй холбоотой гэж зарим ажиглагчид үзэж байна. Тэднийг нийслэл Рияд хотын Ritz Carlton зочид буудалд хорьж буй.