Шинэ он солигдоход хагас сарын хугацаа үлдсэн энэ үед том жижиг, улсын хувийн гэлтгүй бүхий л байгууллагууд баяраа тэмдэглэж байна. Энэ өдрүүдэд хамгийн эрэлттэй хүмүүс мэдээж урлагийнхан байдаг. Тэд өөрсдийн уран бүтээлээ  үнэлж, энд тэнд уригдан залагдаж дуулцгаадаг. Жил жилийн энэ баяраар эрэлт ихтэй байдаг хамтлагуудын нэг бол “Киви” хамтлаг. Энэ жилийн хувьд ч тэд мөн л захиалга ихтэй байгаа гэнэ. Эх сурвалжийн хэлснээр, тэд энэ баяраар хамтран дуулахгүй. Сүүлийн үед тус тусын уран бүтээл дээр түлхүү ажилласан учраас соло уран бүтээлүүдээрээ сонсогчдоо баярлуулах гэнэ.

Үүнийг сонссон сонсогчид нь “Киви” хамтлаг тарчихав уу гэсэн таамаг дэвшүүлээд байгаа. Энэ талаар хамтлагийн ахлагч Укагаас тодруулахаар утас цохьсон боловч холбогдож чадаагүй. Гэхдээ тэд энэ сарын 1-нд хамтлагийнхаа есөн жилийн ойн баяраа хамтдаа цомхон тэмдэглэсэн гэсэн шүү.