“Америкийн бэлгэ тэмдэг” тэмцээний оролцогч 19 настай Бенжамин Глейзэд тэмцээний шүүгч, дуучин Кети Перригийн үнсэлт огтхон ч таалагдаагүй байна. Тэрбээр өнгөрсөн жилийн тэмцээний оролцогч бөгөөд дуучинд үнсүүлж буй бичлэг нь саяхан нэгэн телевизийн сувгаар гарсан аж. Хүүгийн хувьд энэ нь эмэгтэй хүнээр уруул дээрээ үнсүүлсэн анхны үнсэлт байсан юм байна. Тэрбээр энэхүү үнсэлтийг маш гэнэтийн байсан бөгөөд түүнд таагүй сэтгэгдэл төрүүлсэн хэмээгээд “Би анхны үнсэлтээ анхны дотно харилцаандаа зориулна гэж бодож байсан. Анхны үнсэлт бол миний хувьд маш онцгой зүйл байсан” гэжээ.

Тэмцээний үеэр Глейзийг Перри дуудахад нь түүнийг хацар дээр нь үнсэнэ байх хэмээн бодож ойртсон ч поп од гэнэтхэн нь уруул дээр нь үнсээд авсан юм байна. Нью Йорк Таймс сонинд өгсөн ярилцлагадаа үнсүүлэгч хүү хэрвээ Перри түүнээс үнсүүлэхийг хүссэн бол татгалзах байсан хэмээжээ. Гэсэн ч Глейзийн найзууд үүнийг жинхэнэ үнсэлтэд тооцохгүй, зөвхөн уруулаараа шүргэлцээд өнгөрсөн төдий зүйл. Жинхэнэ үнсэлт гэдэг бол өөрийн сайнаар ханддаг хэн нэгэнтэй романтик байдал бий болгохыг хэлнэ хэмээн тайвшруулж байгаа аж.

Б.Саруул