Загварын ертөнцөд хөл тавьж, загвар зохион бүтээгч болсон Спайс Гёрлс хамтлагийн дуучин байсан Викториа Бэкхэм өөрийн нэрийн гоо сайхны бүтээгдэхүүн гаргаж, гоо сайхны үйлдвэрлэлд хөл тавихаар шийдсэн байна. Тэрбээр олон нийтийн сүлжээгээр мэдэгдэхдээ 2016 онд Estee Lauder-тэй хамтран гаргасан 14 хэсгээс бүрдсэн арьс арчилгааны бүрдэл нь амжилтай болсон гэжээ.

“Би өөрийнхөө нэрийн арьс арчилгааны бүтээгдэхүүн болон үнэртэнг гаргахаар ажиллаж байна. Амьдралдаа хүсээд байсан тэр л нэг үлдээд байсан орон зайг нөхөх зүйлийг хийх болно. Хамгийн сүүийн үеийн технологийг ашиглан хамгийн шилдэг орц найрлагатай бүтээгдэхүүн үйлдвэрлэхийг зорьж байгаа” гэжээ.

Б.Саруул