Монголын Үйлдвэрчний эвлэлийн холбооноос төрийн албан хаагчдын цалин хөлсийг нэмүүлэхийн төлөөх тэмцэл ес хоног үргэлжилсний эцэст тэмцэгчид өчигдөр суултаа зогсоолоо.

Монголын эрүүл мэндийн ажилтны үйлдвэрчний эвлэлийн холбоо, Хөдөлмөр нийгмийн хамгааллын салбарын ажиллагсдын эрхийг хамгаалах түр хороо, Багшийн цалинг нэмэгдүүлэх түр хороо, Шинжлэх ухааны байгууллагуудын үйлдвэрчний эвлэлийн нэгдсэн холбоо зэрэг олон салбарын төлөөлөл болсон ажилтнууд төв талбайд цалингаа нэмэгдүүлэхээр суулт хийж байсан юм.

Тэд Засгийн газарт үгээ хүргэх гэж суулт хийж, үсээ хусуулж, эцэст нь ОУВС-ийн төв байрны гадаа суултаа үргэлжлүүлж байсан юм. Засгийн газраас суугчдын тавьж буй шаардлагыг судлах ажлын хэсгийг байгуулах шийдвэрийг гаргасантай холбоотойгоо тэмцэгчид суултаа зогсоолоо. Тодруулбал, Сангийн сайд Ч.Хүрэлбаатарын ахалсан тус ажлын хэсэг шаардлагыг судалж, шийдвэр гаргах хүртэл суулт завсарлахаар болсон байна.