Гидрометаллургийн аргаар катодын зэс үйлдвэрлэдэг, үндэсний компани “Ачит-Ихт” ХХК нь өөрийн охин компани болох “Ачит зэс” ХК-иар дамжуулж давуу эрхийн хувьцаа гаргах, эзэмшүүлэх ажлыг энэ оны наймдугаар сарын 15-наас эхлэн зохион байгуулсан байна.

“Ачит Зэс” ХК-ийн давуу эрхийн хувьцааг “Ачит-Ихт” ХХК болон “Эрдэнэт үйлдвэр” ХХК-ийн ажилчдын хүрээнд хаалттай зарласнаас “Ачит Ихт” компанийн  ажилчид болон “Эрдэнэт” үйлдвэрийн ажилчид эзэмшихээр хүсэлт гарган, гэрээ байгуулсныг Үнэт цаасны төвлөрсөн хадгаламжийн төвөөс үнэт цаасны бүртгэлд оруулан баталгаажуулснаа мэдэгдлээ.

Ингэснээр “Ачит Зэс” ХК-ийн давуу эрхийн хувьцаа эзэмшигчдийн эрх баталгаажиж байгаа юм байна. Давуу эрхийн хувьцаа эзэмшигчид ногдол ашгаа улирал тутам авах бөгөөд анхны ногдол ашгаа  энэ оны арванхоёрдугаар сарын 15-нд авах аж.