УИХ-ын 2016 оны сонгуулийн үр дүнгээр өнөөгийн парламент бүрэлдсэн. Энэ үеэр “60 тэрбум”-ын албан тушаалын наймаа хийгдсэн талаарх бичлэг сошиалаар цацагдаж олон нийтийг бухимдуулсан. Үүний үр дүнд өнөөдрийн муу муухай нь бүрдсэн парламент бий болсон. Ганц УИХ ч биш төрийн бүх шатны байгууллага муу муухайгаар дүүрчихээд байна. Худлаа попорсон хэдэн нөхөд. Хийж гийгүүлсэн нь үгүй.  Гэтэл энэ хэргийн учиг нь өнөөдрийг хүртэл тайлагдаагүй л байна.

Ерөнхий сайд У.Хүрэлсүх, УИХ-ын гишүүн Л.Оюун-Эрдэнэ тэргүүтэй олон ч эх сурвалжийн хэлж буйгаар энэ хэргийн гол эзэн нь М.Энхболд гэх. Тэгсэн хэрнээ энэ хүнээр УИХ нь удирдуулж, өнөөдрийг хүртэл ажилласан ч биш, ажиллаагүй ч биш байсаар л байна. Түүгээр зогсохгүй “60 тэрбум”-ын хэлтэрхийнүүд энэ парламентад олноороо байгаа.

Тэд ийм аргаар УИХ-д суудалтай болчихоод 2016 оноос хойш яг юу хийж бүтээв. 2016 оны сонгуулийн мөрийн хөтөлбөрийн хэрэгжилт нь хэдэн хувьтай явааг хэлэхэд ч бэрх. Тэгсэн хэрнээ татвар, шатахуун болон валютын ханш гээд иргэдийн амьдралд шууд нөлөөлөх зүйлсээ хазаарлаж чадахгүй байж сандал суудлыг хэрүүлээсээ өнөөдрийг хүртэл салж чадахгүй л байна.

Ийм хүмүүсээс юу хүлээнэ гэж Ерөнхийлөгч УИХ-ын намрын чуулганы хугацааг сунгах санал гаргаад байна вэ. Ингэх шаардлага огт байхгүй л баймаар санагдах юм. Хуралдах хугацааг нь сунгалаа гээд тэд хэрүүлээ л илүү ахиу хийх байх. Түүнээс ажлаа хийх хүмүүс биш гэдгийг бид хангалттай харлаа.

Одоо чуулганы хугацааг сунгах биш, тэднийг УИХ-ын даргатай нь хамт бүгдийг нь огцруулах хэрэгтэй. Тэднээс юу ч хүлээх хэрэггүй. Чадалтай чадвартай, хийх бүтээх хүсэлтэй нь дахиад л нэр дэвшээд парламентад ороод ирэг. Ард түмэн сайн муу, үнэн худлыг ялгахтайгаа болчихсон. Тиймээс УИХ-ыг тарах нь зүйтэй болов уу.