Манай топууд Сингапурыг зорино. энэ сарын 27-нд Сингапурт улсад зохиогдох “Дэлхийн загварын долоо хоног”-т  манай улсын  гурван топ модель оролцох эрхтэй болжээ.

Тухайлбал олон улсын тайзан дээр  монгол үндэсний хувцсаа сурталчлах топ моделиор Г.Уранцэцэг, Х.Бадамгэрэл, О.Пүрэвдулам нар сонгогдсон байна.

Өмнө нь  2017  оны есдүгээр сард АНУ-ын Нью-Йорк хотноо болсон “New York Couture Fashion Week” загварын долоо хоногт топ модель Х.Бадамгэрэл, топ модель Б.Буджаргал, топ модель О.Пүрэвдулам, мисс А.Баярцэцэг, Т.Батцэцэг, Д.Долгион нар  шилдэг 33 дизайнерын дээд зэрэглэлийн загварын хувцас өмсөж оролцсон билээ.

Энэ жил оролцох гурван моделийн Х.Бадамгэрэл, О.Пүрэвдулам хоёр нь өмнө нь Дэлхийн загварын 7 хоногт оролцож байсан туршлагатай бол Г.Уранцэцэг топ энэ жил анх удаа оролцож байгаа юм.