УИХ-ын гишүүн Т.Аюурсайханд оролцдоггүй асуудал, хөнддөггүй сэдэв ч гэж байхаа болив. Тэр улс төрийн амбийцаа өсгөх ямар нэгэн том зорилго агуулсан бололтой.

Юм болгоныг түрүүнд дуугарах болсон Т.Аюурсайхан гишүүн цаг үеийн асуудлаар мэдээлэл хийхээр хэвлэлийнхэнд хандав.

Тэрбээр УИХ-ын дарга Г.Занданшатарыг дагалдан Швейцарын холбооны улсад айлчлал хийгээд ирсэн. Энэ айлчлалын бүрэлдэхүүнд явсны хүчинд С.Баярцогтын оффшор данстай холбоотой баримт авч ирсэн талаар олон нийтэд мэдээлэл хийлээ.
Тэрбээр “Швейцараас Монголын талд С.Баярцогтын таван дансны мэдээллийг хүлээлгэж өгсөн. Энэ баримт нь ГХЯ-аас дамжигдан АТГ-т очно. Энэ чухал ач холбогдолтой мэдээлэл дарагдахаас сэргийлэх ёстой. Нийт таван дансны орсон, гарсан гүйлгээ гэхээр цаанаа өөр олон асуудал агуулж байх чухал ач холбогдолтой асуудал юм. Энэ ажил олон хүний оролцоотой хийгдсэн” хэмээн мэдээллээ.

Үнэхээр но-той ноцтой мэдээлэл авчирсан бол шалгуулах үнэн мөнийг  олох нь зүйтэй. Гэхдээ Т.Аюурсайхан гишүүнд өөрийг нь муухай харагдуулах олон олон шалтаг байгааг хэлэхгүй өнгөрч чадахгүй нь.

Төрийн хүн, эр хүн байж чавганцаас дутахгүй хэрүүл хийж юм бүхэнд хутгалддагаа болиосой гэж хүсмээр санагдав. Тэр өнөөдөр хийсэн мэдээллийнхээ үеэр би “С.Баярцогтын мэдээллийг олж ирэхийн тулд УИХ-ын даргад үнэн учраа хэлж айлчлалын багт багтаж явахаар болсон. Харин Д.Пүрэвдорж, О.Баасанхүү нар төсвийн хөрөнгийг дэмий үрж айлчлалын багт явлаа гэх мэтээр хамт явсан нөхдөө элдэвлэж суугаа нь ч харагдав. Төрийн мөнгөөр гадаада явахдаа зорилготой явсан чинь сайшаалтай ч, авгайн хэрүүл чинь муухай байна, Т.Аюурсайхан гишүүн ээ.