Урин цаг ирж байгаатай холбоотойгоор цонх хаалгандаа хамгаалалтын тор хийлгэхийг цагдаа, онцгой байдал, хэвлэл мэдээллийн хэрэгслээр анхааруулж байна.

Цонхны хаалт хийгээгүйгээс болж өчүүхэн анхаарал сулруулах төдийд бага насны хүүхэд өндрөөс унасан тохиолдол бүртгэгдсээр байна. Тодруулбал, өнөөдөр 10:50 цагийн орчим Баянгол дүүргийн 17-р хороонд нэг ой найман сартай долоон давхраас унаж нас барсан хэрэг гарсан байна.

Тиймээс эцэг эх, асран хамгаалагчид анхаарал болгоомжтой байж болзошгүй эрсдэлээс сэргийлэн цонхны хаалт хийлгэхийг сэрэмжлүүлж байна.