Сонгинохайрхан дүүрэг 4-р хороо Хүнсчдийн гудамж Мах импексийн урд бохирын худагт хоёр хүн унасан гэх дуудлага, мэдээлэл өнөөдөр 14:00 цагийн орчимд цагдаагийн байгууллагад ирсэн байна.

Дуудлагын дагуу очиж шалгахад тус хороонд байрлах бохирын худагт Дайцэцэн ХХК-д засварчин ажилтай 1985 онд төрсөн “Б”/эрэгтэй/, Орон сууц, нийтийн аж ахуй үйлчилгээний газар засварчин ажилтай 1988 онд төрсөн “У”/эрэгтэй/ нар унаж нас барсан байжээ. Тэд ажил үүргээ гүйцэтгэж байгаад нас барсан бөгөөд уг хэргийг СХД дэх Цагдаагийн 1-р хэлтэс шалгаж байгаа тул өөр мэдээлэл өгөх боломжгүй байна хэмээн ЦЕГ-ын Хэвлэл мэдээллийн төвөөс мэдээллээ.