Монгол Улсын гавьяат жүжигчин, НҮБ-ын Хүүхдийн элч дуучин Төмөрийн Ариунаа ирэх арваннэгдүгээр сарын 08-нд “Буянт-Ухаа” цогцолборт өөрийн бие даасан 15 дахь тоглолтоо хийх гэж байна.

Тэрбээр яруу найрагч О.Дашбалбар агсны “Тэнгэр шиг бай” шүлгээр дуу хийж, тун удахгүй шинэхэн уран бүтээлээ ард түмэндээ хүргэх гэнэ. Тиймээс Монголын нэрт яруу найрагч О.Дашбалбарын алдартай “Тэнгэр шиг бай” шүлгийн нэрээр энэ удаагийн тоглолтоо нэрлэжээ.

“Тэнгэр шиг бай” тоглолт үндсэн гурван хэсгээс бүрдэх бөгөөд гурван цаг хугацааны илэрхийлэлтэй, бүтэн гурван цаг үргэлжлэх ажээ. Тоглолтод Т.Ариунаагийн бүх цаг үеийн шилдэг гэсэн уран бүтээлүүд дуулагдах юм байна.

Тэгвэл тоглолтын тасалбар аль хэдийнэ худалдаанд гарчээ. Тодруулбал, “ticket.mn”-ийн салбаруудаар худалдаалагдаж эхэлсэн байна. Тасалбарын үнийн хувьд 30-120 мянган төгрөгийн үнэтэй байгаа юм.  Харин тасалбар захиалах утас 80188803 19001800.

 “Тэнгэр шиг бай” тоглолт тэсрэлттэй, гайхамшигтай, мэдрэмжтэй, догдлолтой доргио, амьд болно гэдэгт итгэж байна, бас хүлээж байна.