Монгол Улсад зарлагдаж байгаа бүхий л тендерийг зарлах, шалгаруулах, зохион байгуулах эрх мэдэл Ерөнхий сайд У.Хүрэлсүхийнх болчихлоо.

Тодруулбал, Засгийн газар төрийн бүх тендерийг зарлаж, шалгаруулах, зохион байгуулах бие даасан тусдаа байгууллага байгуулах төслийг УИХ-д өргөн барьсан. Энэ нь орон нутагт хийж буй ажлыг түргэвчлэх, гадаадын хөрөнгө оруулалтыг татах, бүтээн байгуулалтыг хугацаанд нь хийх боломжийг олгох хэмээн Засгийн газрын гишүүд тайлбарласан.

Ийнхүү Засгийн газраас санаачилсан уг төслийг УИХ-аар хэлэлцэж, гишүүдийн олонхи нь дэмжчихсэн. Өөрөөр хэлбэл, У.Хүрэлсүхэд улсын чанартай бүхий л тендерийн эрх мэдэл очиж байна гэсэн үг.

Ингэснээр түүний эрх мэдэл улам л тэлнэ. Нөгөө талдаа тэр хэрээр түүнийг хардах, шалгах ёстой болно гэсэн үг.
Гэхдээ хүн бүрт хардах эрх нь байгаа юм хойно хардах нь ч зөв. Шалгах шаардлага гарвал шалгуулах нь ч түүнийг үүрэг юм хойно яая гэх вэ дээ.