Дархан-Улаанбаатар чиглэлийн 204.11 километр замын засварын шинэчлэлтийн ажил зургадугаар сарын 19-нд эхэлсэн. Зам засварын ажлыг таван хэсэгт хуваан гүйцэтгэж байгаа. Өнөөдрийн байдлаар нэгдүгээр багц дээр аспальтан хучилт, хоёр, дөрөв дээр өргөсгөлт, гурав, тав дээр цементээр бэхжүүлсэн суурийг хийж байна. Олон улсын санхүүжилтээр хийж байгаа учир зам засварын ажилд Энэтхэгийн ICT компани өдөр бүр хяналт тавьж байна. Төсөл нэг жилийн хугацаатай үргэлжилнэ.

• Нэгдүгээр багц: Баруун аймаг салах тойрог уулзвараас Хар мотод давааны ар хүртэлх 37.26 км авто зам
• Хоёрдугаар багц: Хар модот давааны араас Урьхан хүртэлх 45.5 км авто зам
• Гуравдугаар багц: Урьханаас Сүмбэрийн уулзвар хүртэлх 45.74 км авто зам
• Дөрөвдүгээр багц: Сүмбэрийн уулзвараас Цайдамын хөндий хүртэлх 45.08 км авто зам
• Тавдугаар багц: Цайдамын хөндийгөөс Дарханы тойрог уулзвар хүртэлх 30.53 км авто зам

Ийнхүү одоо хийж байгаа ажлуудаа дуусгаад,  ухсан нүх болон бусад зүйлсээ цэгцэлж, хөдөлгөөний аюулгүй байдлыг хангаад, ирэх сарын 1 гэхэд замыг нээнэ хэмээн Зам тээврийн яамнаас мэдээлж байна.

Дашрамд дуулгахад хамгийн их осол аваарь гардаг уг замын эвдрэлтэй хэсгүүдийг янзалж, өндөр даваануудыг намсгасан гэнэ. Тиймээс арваннэгдүгээр сарын 1-нээс жолооч, тээвэрчид түр замаар бус хуучин үндсэн замаараа зорчих боломжтой болох гээн. Харин хавраас засварын ажлыг үргэлүүлэн хийх юм байна.

-