Сэтгүүлч А.Бүрэнбаатар Монголын сэтгүүлчдийн нэгдсэн эвлэлийн ерөнхийлөгч Х.Мандахбаярыг сэтгүүлчдийн нэрийг унагаж байна. Ийм хүнээр сэтгүүлчдийн төв байгууллагыг удирдуулмааргүй байгаагаа удаа дараа илэрхийлсэн.

Түүгээр зогсохгүй өнгөрсөн есдүгээр сард Х.Мандахбаяртай холбоотой  баримт дэлгэн мэдээлэл хийснийг хүмүүс санаж байгаа байх. Олон нитйин мэдээллийн хэрэгслээр болон өөрийн цахим хуудсаараа дамжуулан удаа дараа байр сууриа илэрхийлсэн А.Бүрэнбаатар сэтгүүлч энэ удаад МСНЭ-ийн ерөнхийлөгч Х.Мандахбаярыг халз мэтгэлзээнд дуудаж буйгаа хэвлэлд өгсөн ярилцлагаараа дамжууллаа.

Тэрбээр "…МСНЭ гэдэг энэ байгууллага бол Х.Мандахбаярын хувийн байгууллага биш. Би түүнийг халз мэтгэлцээнд дуудаж байна. Ирэх Баасан гарагийн 13 цагт Монгол ньюс мэдээллийн төвд уулзаж салбараа хэрхэн “аврах” ямар байдлаар ажиллавал МСНЭ болох юм. Ямар ямар асуудлыг би яриад хүмүүс дэмжээд байгаагаа түүнд ойлгуулмаар байна. Гэхдээ энэ мэтгэлцээн бодлогын мэтгэлцээн баймаар байна. Тэрнээс би тэгсэн, чи тэгсэн гэж хэрүүл хийж хүмүүсийг залхаахыг хүсэхгүй байна. Миний урилгыг хүлээн авах байх гэж найдаж байна" гэлээ.