Ирэх долоо хоногийн мягмар, лхагва гарагт бүх нийтийн амралт тохиож буй.

Энэ сарын 26-нд Улс тунхагласны баяр, 27-нд Чингис хааны мэндэлсэн өдөр тохиож байгаатай холбогдуулан эдгээр өдрүүдийг бүх нийтийн амралтын өдөр болгосон. Тиймээс энэ өдрүүдэд бүх нийтээрээ амрахаас гадна автомашины дугаарын хязгаарлалт үйлчлэхгүй. Өөрөөр хэлбэл, бүх машин замын хөдөлгөөнд оролцож болох юм. 

Учир нь, НИТХ-ын тогтоолд дугаарын хязгаарлалт амралтын өдрүүд болон нийтээр тэмдэглэх баярын өдрүүдэд үйлчлэхгүй, зөвхөн ажлын өдрүүдэд үйлчилж байхаар заасан байдаг билээ.