Нэг гэр бүлийн долоон хүн авто ослоор газар дээрээ нас барсан аймшигт осол одоогоос гурван жилийн өмнө гарч олон нийтийг цочроосон. Гэвч энэ хэргийг үйлдэгч нь хэргийн газрын орхин зуртсан учраас олдохгүй нэлээн удсан.

Тодруулбал, 2016 оны наймдугаар арын 5-ний өдөр Төв аймгийн нутагт замд гарсан уг ослыг хийгээдхэргийн газраас зугтсан жолооч  Ө.Цэцэгшагдарыг эрэн сурвалжилсны үр дүнд олсон байдаг.  

Тээврийн прокурорын газраас Ө.Цэцэгшагдарт холбогдуулан 2015 оны эрүүгийн хуулийн ерөнхий ангийн 1.9 дүгээр зүйлийн 1 дэх хэсэг заасныг журамлан Эрүүгийн хуулийн тусгай ангийн 27.10 дугаар зүйлийн 4 дэх хэсгийн 4.2 дахь заалт, Эрүүгийн хуулийн ерөнхий ангийн 1.9 дүгээр зүйлийн 1 дэх хэсэгт заасныг журамлан Эрүүгийн хуулийн тусгай ангийн 27.11 дүгээр зүйлийн 1 дэх хэсэгт зааснаар тус тус яллах дүгнэлт үйлдэн хэргийг шүүхэд шилжүүлжээ. 

Тус эрүүгийн хэргийг шүүх 2019 оны 10 сарын 09-ний өдөр хүлээн аваад 2019 оны 11 дүгээр сарын 08-ны өдрийн урьдчилсан хэлэлцүүлгийн шүүх хуралдаанаар яллагдагчийг шүүхэд шилжүүлж, анхан шатны шүүх хуралдааныг 2019 оны 11 дүгээр сарын 21-ний өдөр хийхээр товлосон. Товын дагуу шүүх хурал өнөөдөр 09:00 цагт эхэлсэн бөгөөд одоо ч үргэлжилж байна.

Олныг цочроосон уг хэргийг хэрэхн шийдвэрлэгдэх бол гэсэн хүлээлт олон нийтийн дунд байсаар байна.