Жил жилийн загварын чиг хандлагыг тодорхойлдог “Гоёл” наадам энэ жил 32 дахь жилдээ болох гэж байна. Уг наадам  энэ  сарын 25-наас өдөр загварын долоо хоногоор эхэлж, шилдгүүдийг энэ сарын 30-нд тодруулна

Монголын дизайнеруудын холбооноос зохион бйагуулдаг уг наадмаар оны “Топ” модель, шилдэг дизайнер, шилдэг модель, шилдэг үсчин, шилдэг нүүр будагчдыг шалгаруулдаг уламжлалтай.

Загварын хамгийн том, хамгийн нэг хүндтэй уг наадамд оролцох моделиудыг энэ сарын 10-нд шалгаруулан авсан бол дизайнеруудын хувьд өмнө нь оролцож байгаагүй, шинэ хүмүүс нэлээдгүй оролцож байгаа сурагтай. Тухайлбал, загвар өмсөгч С.Сарнай өөрийн үүсгэн байгуулсан MonRoze брэндийн бүтээлүүдээрээ “Гоёл” наадамд дизайнерын хувиар анх удаагаа оролцож байна. Түүний загварын анхны гараа энэ сарын 26-нд буюу өнгөрсөн мягмар гаригт тайзнаа гарсан бөгөөд үзэгч, шүүгчдээс шаггүй үнэлгээ авсан тухай хүмүүс ярьж байна.