Улаанбаатар -8oC

Үндсэн хуулийн Цэц даргаа өнөөдөр сонгоно

Үндсэн хуулийн Цэц даргаа өнөөдөр сонгоно

Үндсэн хуулийн цэцийн нэр бүхий гишүүн хүндэтгэн үзэх шалтгаанаар хүрэлцэн ирээгүй учраас  Цэцийн даргыг сонгох нийт гишүүдийн хуралдааны тов   бөгөөд 2019 оны 12 дугаар сарын 02-ны өдөр буюу өнөөдрийг хүртэл хойшлогдсон.

Тиймээс өнөөдөр товын дагуу 11:00 цагт хуралдаж шинэ даргаа сонгоно. Тэгвэл Цэцийн даргын сунгаанд хоёр хүний нэр яригадж байгаа. Тухайлбал, эрх баригчдын зүгээс Н.Чинбатыг Цэцийн даргын “сунгаанд сойж” байгаа бол Ерөнхийлөгчийн зүгээс Ш.Солонгыг дэмжиж байгаа гэх мэдээлэл бий. Өнөөдрийн хуралдаанаар хэн нь Ундсэн хуулийн Цэцийн дарга болохыг Цэцийн гишүүдийн саналаар сонгох учиртай.

Ш.Солонго гэж хэн бэ?

Ш.Солонго нь 1962 онд Улаанбаатар хотод төрсөн.

Боловсрол:

  • 1979 онд Нийслэлийн 24 дүгээр сургууль,
  • 1984 онд Москвагийн Их сургууль,
  • Хуульч мэргэжилтэй.

Ажилласан байдал:

  • 1984-1992 онд Сайд нарын зөвлөлийн Хэрэг эрхлэх газарт мэргэжилтэн;
  • 1992-1996 онд Засгийн газрын Хэрэг эрхлэх газарт дэс түшмэл, түшмэл, тасгийн даргын үүрэг гүйцэтгэгч;
  • 1996-2000 онд Засгийн газрын Хэрэг эрхлэх газрын референт, ахлах референт;
  • 2000-2008 онд Засгийн газрын Хэрэг эрхлэх газрын хуулийн хэлтсийн дарга;
  • 2008-2018 онд Засгийн газрын Хэрэг эрхлэх газрын тэргүүн дэд дарга;

Монгол Улсын Их Хурлын санал болгосноор:

  • Монгол Улсын Их Хурлын 2018 оны 5 дугаар сарын 24-ний өдрийн 33 дугаар тогтоолоор Монгол Улсын Үндсэн хуулийн цэцийн гишүүнээр томилогдон ажиллаж байна.

Н.Чинбат гэж хэн бэ?

Н.Чинбат нь 1956 онд Улаанбаатар хотод төрсөн.

Боловсрол:

  • 1974 онд Нийслэлийн 24 дүгээр сургууль,
  • 1979 онд МУИС-ийн хуулийн анги,
  • Эрх зүйч мэргэжилтэй, Хууль зүйн магистр

Ажилласан байдал:

  • 1979-1990 онд МУИС-д багш, Хууль зүйн тэнхмийн орлогч эрхлэгч,
  • 1990-1993 онд Улсын Дээд шүүхийн орлогч дарга, Иргэний коллегийн дарга,
  • 1993-1996 онд Улсын Их Хурлын даргын хуулийн зөвлөх,
  • 1996-2016 онд Засгийн газрын хэрэгжүүлэгч агентлаг Оюуны өмчийн газрын дарга,
  • 2016-2017 онд Хууль зүй, дотоод хэргийн сайдын зөвлөх.

Үндсэн хуулийн цэцийн гишүүнээр ажилласан байдал:

Монгол Улсын Их Хурлын санал болгосноор:

-Монгол Улсын Их Хурлын1998 оны 4 дүгээр сарын 23-ны өдрийн 47 дугаар тогтоолоор Монгол Улсын Үндсэн хуулийн цэцийн гишүүнээр томилогдож, бүрэн эрхийн хугацаа дуусч 2004 оны 9 дүгээр сарын 28-ны өдөр чөлөөлөгдсөн.

 Улсын дээд шүүхийн санал болгосноор:

  • Монгол Улсын Их Хурлын 2017 оны 6 дугаар сарын 9-ний өдрийн 45 дугаар тогтоолоор Монгол Улсын Үндсэн хуулийн цэцийн гишүүнээр дахин томилогдон ажиллаж байна.
ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.