УИХ-ын анхдугаар чуулганы хуралдаан өнөөдөр 15.00 цагаас үргэлжилнэ

УИХ-ын анхдугаар чуулганы хуралдаан өнөөдөр 15.00 цагаас үргэлжилнэ

УИХ-ын анхдугаар чуулганы хуралдаан өнөөдөр 15.00 цагаас үргэлжилнэ. Тус чуулганаар хэлэлцэх асуудлын дарааллыг дараах байдлаар гаргажээ.

  • Намын бүлэг байгуулсан тухай мэдээллийг УИХ-ын даргад бичгээр ирүүлснийг сонсох тухай;
  • УИХ-ын Байнгын хорооны бүрэлдэхүүнийг батлах тухай;
  • УИХ-ын дэд даргыг сонгох тухай.

УИХ дахь МАН-ын бүлэг Д.Тогтохсүрэн гишүүнийг бүлгийн даргаараа үргэлжлүүлэн ажиллуулахаар болсон бол АН-ын бүлэг Д.Ганбат гишүүнийг бүлгийн даргаараа ажиллуулахаар болсон юм. 

УИХ-ын дэд даргын тухайд МАН Т.Аюурсайхан, АН С.Одонтуяа гишүүнийг нэр дэвшүүлсэн. С.Одонтуяа гишүүн УИХ-ын дэд дарга болсноор байнгын ажиллагаатай парламентын түүхэнд хоёр дахь эмэгтэй дэд дарга болох юм. Түүнээс өмнө 2004-2005 онд тухайн үедээ "бүдүүн бүлэг" хэмээн нэрлэгддэг байсан 62-ын бүлгээс С.Оюун гишүүн УИХ-ын дэд даргаар сонгогдож байлаа.

Өнөөдрийн чуулганаар хэлэлцэхээр төлөвлөсөн асуудлын нэг нь Байнгын хороодын бүрэлдэхүүнээ батлах. УИХ-ын гишүүд 3-4 Байнгын хороонд харьяалагдан ажилладаг юм.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.