Төсвийн байнгын хороо Ерөнхийлөгчийн хоригийг хүлээж авахыг дэмжсэнгүй

Төсвийн байнгын хороо Ерөнхийлөгчийн хоригийг хүлээж авахыг дэмжсэнгүй
УИХ-ын Төсвийн байнгын хорооны хуралдаанаар 2021 оны төсөв болон дагалдан батлагдсан хуулиудад тавьсан Ерөнхийлөгчийн хоригийг хэлэлцлээ. Ерөнхийлөгч хориг тавихдаа төсвийн нийт зардлыг 20 хувиар хэмнэх, өрх бүрд нэг сая төгрөгийн дэмжлэг үзүүлэх хөтөлбөр боловсруулах, төсвийн хэмнэлтээр коронавируст халдварын эсрэг вакцин худалдан авах шаардлагатай гэж үзсэн юм. Мөн үйлдвэр, аж ахуйн нэгж, бизнесийг дэмжсэн мастер төлөвлөгөө гаргаж, жижиг дунд үйлдвэр эрхлэгчид болон өдрийн орлоготой, түүгээрээ амьдардаг үсчин, оёдолчин, дархан, мужаан, такси зэрэг ажил, үйлчилгээ эрхэлдэг иргэдийг онцгой анхаарч тэдэнд чиглэсэн бодлого хэрэгжүүлэх шаардлагатай гэж үзэж буй. Харин Төсвийн байнгын хорооны хуралдаанд оролцсон гишүүдийн гуравны хоёроос илүү нь Ерөнхийлөгчийн хоригийг хүлээж авахыг дэмжсэнгүй. Байнгын хорооны санал дүгнэлтийг УИХ-ын чуулганы хуралдаанаар хэлэлцэн шийдвэрлэх юм.
ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.