Екатеринбургийн их дуулгад 18 жүдоч зодоглоно

Екатеринбургийн их дуулгад 18 жүдоч зодоглоно

Энэ сарын 17-18-нд ОХУ-ын Екатеринбург хотод жүдо бөхийн Их Дуулга тэмцээн болно. Тус тэмцээнд дөрвөн тивийн 35 орноос нийт 280 жүдоч оролцохоо мэдэгдсэн юм. Манай улсаас эрэгтэй 10, эмэгтэй 8 жүдоч өрсөлдөх болсон нь эзэн орон Оросын шигшээ багийн дараа орох тоо аж. Бидний ард Бразил, Францаас тус бүр 16 бөх барилдахаар бүртгүүлжээ.

Манай шигшээ багаас эрэгтэйчүүдийн 60 кг-д 20 настай залуу тамирчин Батгэрэлийн Мягмардорж, өнгөрсөн жил залуучуудын ДАШТ-ээс хүрэл медаль хүртсэн Лхавгажамцын Өнөболд, 66 кг-д Ёндонпэрэнлэйгийн Басхүү, Баттогтохын Эрхэмбаяр, 73 кг-д Цэнд-Очирын Цогтбаатар, 81 кг-д Батмөнхийн Алтансүх, Баянмөнхийн Гаажадамба, 90-д Гантулгын Алтанбагана, -100 кг-д Лхагвасүрэнгийн Отгонбаатар, улсын начин Б.Одхүүгийн хүү О.Цэцэнцэнгэл нар зодоглох юм.

Харин эмэгтэйчүүдийн 48 кг-д Эрдэнэцогтын Гэрэлмаа, Ганбаатарын Наранцэцэг, 52 кг-д Мөнхбатын Уранцэцэг, Ганболдын Ганцэцэг, 57 кг-д Доржсүрэнгийн Сумъяа, Лхагватогоогийн Энхрийлэн, 63-т Балдоржийн Мөнгөнчимэг, Болдын Ганхайч нар оролцохоор болжээ.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.