МОНГОЛЫН ШИГШЭЭ БАГ МЬЯНМАРЫГ ТАЛБАЙДАА 2 ДАХИА БУУЛГАН АВЛАА

МОНГОЛЫН ШИГШЭЭ БАГ МЬЯНМАРЫГ ТАЛБАЙДАА 2 ДАХИА БУУЛГАН АВЛАА
 
 
Монголын шигшээ баг 2022 оны ДАШТ, 2023 оны Азийн АШТ-ий урьдчилсан шатны “F” хэсгийн эхний тоглолтой Мьянмарын багтай хийж үндсэн цагт 1:0-ээр ялалт байгууллаа.
 
Тоглолтын цор ганц, хожлын гоолыг Монголын шигшээ багийн өмсгөлтэй хоёр дахь тоглолтоо хийж буй А.Дөлгөөн эхний хагасын 17’ дахь минутад оруулав. А.Дөлгөөний гоолын дамжуулалтыг 6 дугаартай тоглогч А.Нармандах өгч, энэхүү үнэтэй ялалтыг үндэсний шигшээ баг, хөгжөөн дэмжигчид, Монголын ард түмнийхээ хамтаар авч чадлаа.
 
Манай шигшээ Мьянмарын багийг хоёр дахь удаагаа талбайдаа буулган авч байгаа нь энэ бөгөөд хоёр хожихдоо хаалгандаа гоол алдаагүй гэсэн сайн үзүүлэлттэй үлдсэн юм. Энэхүү ялалт нь Монголын шигшээ багийн ДАШТ-ий урьдчилсан шатны II дугаар шатнаас авсан анхны гурван оноо болон түүхэн тэмдэглэгдэн үлдэж буйг дуулгахад таатай байна.
 
Монголын шигшээ баг дараагийн тоглолтоо 09-р сарын 10-ны 17:00 цагт талбайдааТажикистаны эсрэг хийнэ. Эрхэм хөгжөөн дэмжигч та бүхэн энэ өдөр бүрдүүлсэн гайхалтай уур амьсгалаа Тажикистаны эсрэг мөн адил бүрдүүлж шигшээ багаа эцсийн мөч хүртэл уухайлан дэмжээрэй.
 
 
НЭГ БАГ – НЭГ ЗОРИЛГО
ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.