ҮНДЭСНИЙ ШИГШЭЭ БАГ ҮЗЭГЧДИЙНХЭЭ УРМЫГ СЭРГЭЭСЭН ТОГЛОЛТ ҮЗҮҮЛЛЭЭ

ҮНДЭСНИЙ ШИГШЭЭ БАГ ҮЗЭГЧДИЙНХЭЭ УРМЫГ СЭРГЭЭСЭН ТОГЛОЛТ ҮЗҮҮЛЛЭЭ
 
 
Монголын шигшээ баг ДАШТ-ий урьдчилсан шатны хоёр дахь тоглолтоо чансаагаар 68 байр илүү Тажикистантай хийж, 0:1-ээр харамсалтай ялагдал хүлээв. 
 
Үр дүн хэдий сөрөг байсан ч үндэсний шигшээ багийн тоглогчид 90 минутын турш өндөр хэмнэлтэй, үзэгчдээ огшоосон, үзүүштэй тоглолт толилуулсан юм.
 
Манай залуус чансаа илүү Тажикистаны багтай эн тэнцүү, гайхалтай өрсөлдөөнийг үзүүлж байсан ч тоглолтын 80' дахь минутад зочин багийн 6 дугаартай тоглогч Давронжон Ергашев унаж мөргөн энэ тоглолтын цор ганц гоолыг оруулаа. Гоол оруулсан тоглогчийн нүднээс баярын нулимс унаж, Тажикистаны багийнхан баяр хөөрт автсанаас манай баг ямар хүчтэй өрсөлдөөн үзүүлснийг харж болно. 
 
Тоглолтын турш Монголын шигшээ баг 44, Тажикистаны баг 56 хувьтай бөмбөг эзэмшжээ. Хаалга чиглэсэн цохилт адил 7, 9 байсан бол хаалга оносон цохилт адил 4 байлаа.
 
МХБХ-ны цэнгэлдэх хүрээлэнд үндэсний шигшээ багийн 3455 үнэнч хөгжөөн дэмжигч цуглаж, гайхалтай уур амьсгалыг бүрдүүлсэн нь энэ тоглолтыг амттай болгож байв.
 
Дэлхийн чансаа 52 байр Мьянмарыг хожиж, 68 байр илүү Тажикистантай хүчтэй өрсөлдөөн үзүүлж чадсан Монголын шигшээ баг 10-р сарын 15-нд Кыргызстантай талбайдаа тоглоно. 
 
Үзэгч хөгжөөн дэмжигч та бүхэн ДАШТ-ий урьдчилсан шатанд өрсөлдөж байгаа үндэсний шигшээ багаа эцсээ хүртэл дэмжинэ гэдэгт итгэлтэй байна. 
 
Дараагийн тоглолтоор уулзталаа түр баярт. 
 
НЭГ БАГ - НЭГ ЗОРИЛГО
ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.