"Улаанбаатар ММС Энержи" аваргын төлөө шалгарч үлдлээ

ФИБА 3х3 энэ улирлын мэргэжлийн сүүлийн Дэлхийн гранпри тэмцээн БНСУ-ын Жежү хотноо өчигдөр эхэлсэн билээ. Тус тэмцээнд манай улсаас "Улаанбаатар ММС Энержи" баг оролцож байгаа бөгөөд өнөөдөр шөвгийн 4-т ОХУ-ын Нева багтай тоглож 14-12 харьцаагаар хожиж их дуулгын аваргын төлөө анх удаагаа шалгарч үлдлээ. Тэд аваргын төлөө АНУ-ын Харлем болон Словены Пиран багуудын хожсонтой нь 15:55 цагт тоглох юм. 

Манай баг В хэсэгт орсон бөгөөд өчигдөр эхний тоглолтоо АНУ-ын "Харлем" багтай хийж 10-21 харьцаагаар хожигдсон бол дараагийн тоглолтоо 21-18 харьцаагаар цаг дуусахаас өмнө дуусгаж хэсгээсээ 2-оор гарч шөвгийн наймд шалгарсан юм. Хасагдах шатны эхний тоглолтыг Сербийн Земун багтай тоглож 17-16 харьцаагаар хожиж шөвгийн 4-т шалгарч үлдсэн юм.

Манай багт Э.Цэрэнбаатар, Д.Дэлгэрням, Э.Дөлгөөн, Г.Цэнгүүнбаяр нар тоглож байгаа бөгөөд Г.Цэнгүүнбаяр 4-р сраас хойш гэмтлийн улмаас тоглохгүй байж байгаа энэхүү тоглолтод оролцож байгаа билээ.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.