Т.Бадамжунайгийн оффист “зочилсон” 27 гишүүний бичлэг ил болох уу

Т.Бадамжунайгийн оффист “зочилсон” 27 гишүүний бичлэг ил болох уу

Хөдөө аж ахуйн сайд асан Т.Бадамжунайгийн Улаанбаатар хотын төвд байрлах хувийн оффист болсон нэгэн ярианы бичлэг 2020 оны хавар задарсан. Уг бичлэгт Т.Бадамжунай, тухайн үеийн УИХ-ын гишүүн О.Баасанхүүтэй ярилцаж байгаа нь гардаг. Мөн тэдний ярианы үеэр нэлээд ноцтой асуудал хөндөгдсөн байдаг. Тэгвэл энэ бичлэгтэй холбоотой асуудлаар тэр үед тэдэнтэй хамт байсан ТЕГ-ын дарга асан Б.Хурцад уржигдар эрүүгийн хэрэг үүсгэсэн байна. Мөн өчигдөр түүнийг яллагдагчаар татсан гэх мэдээллийг бид олж авлаа.

Түүнчлэн Б.Хурцтай холбоотой шалгагдаж байгаа асуудалд өмнө нь ил болж байсан улс төрийн бичлэгүүд багтаж байгаа бололтой.

Үүнээс гадна одоогийн УИХ-ын 27 гишүүн Т.Бадамжунайгийн оффист “зочилж”, ийм “ажиллагаа”-нд өртсөн гэх мэдээлэл байна. Өөрөөр хэлбэл, тэдэнтэй холбоотой маш ноцтой бичлэгүүд нийгмийн сүлжээ, бусад хэлбэрээр ил болохыг үгүйсгэхээргүй нөхцөл үүсчээ.

Эх сурвалж: “Зууны мэдээ” сонин

2021.8.4 ЛХАГВА № 151 (6628)

ФОТО:

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.