Монголын хошин урлагийн салбарт өөрийн гэсэн дүр төрхийг бүтээж, үзэгчдийн хайр хүндэтгэлийг хүлээсэн нэгэн бол “Маск” продакшны жүжигчин Э.Алдар. Тэрбээр, “Хайрыг хайрла” , “Миний ах атаман”, “Маш нууц” зэрэг кинонд тоглож, чадварлаг жүжигчин гэдгээ харуулсан. Харин урлагийн гараагаа “Boom town” хамтлагаас эхлүүлсэн түүхтэй. Тэгвэл авьяаслаг, сэргэлэн залуу одоо болтол гэр бүл зохиогоогүй байгаа нь олны анхаарлыг татдаг. 

 

Тэгвэл  тэрбээр нэгэн сонинд өгсөн ярилцлагадаа залуучуудад хандан гэр бүл зохиох талаар өөрийн санаа бодлыг хуваалцан, бяцхан зөвлөгөө өгчээ. Тодруулбал, “Одоохондоо гэр бүл болоход залуу байна. Цаг нь ирэхээр бүгд л гэр бүл зохионо. Тиймээс одоогийн нөхцөлд баттайгаар өөрийнхөө амьдралыг босгох нь чухал. Залуус маань эрт хүүхэдтэй болж, гэр бүл салалт ч ихэсч, хүүхэдтэй ганц бие ээж, аавууд улам ихэссээр байна. Залуучууд хүнийг таниагүй байхдаа сэтгэлийн хөөрлөөр дурлаад хүүхэдтэй болчих юм. Хүүхдэд буруу өгч болохгүй. 

 

Олон жил найзалж бие биеэ таньсан тохиолдолд гэр бүл салахгүй бат бөх байна шүү дээ. Тэгэхээр залуусдаа хандаж хэлэхэд хүнийг сайн танитлаа юманд яарах хэрэггүй. Өөрийнхөө амьдралыг баталгаажуул. Төрүүлж, өсгөсөн аав, ээжийнхээ амьдралыг мөн баталгаажуулах хэрэгтэй. Түүний дараа өөрийнхөө амьдралыг босгоход буруудахгүй” хэмээн хариулсан аж.