Балетын урлагаар дамжуулан хүүхдэд эрүүл амьдрах ухаан, урлагийн үнэ цэнийг ойлгуулах, Монголын ирээдүйн балетын урлагийн мэргэшсэн боловсон хүчин, мөн урлагт хайртай балетын урлагийг ойлгодог үзэгчдийг бэлтгэх зорилгийн хүрээнд Монголын Балетын Урлагийн Холбоо Монгол Солонгосын өсвөрийн балетын бүжигчдийн хамтарсан гала тоглолтыг эх орондоо зохион байгуулах гэж байна.

Монголын балетын жүжигчид, багш нар, дэглээч найруулагчид, уран бүтээлчид, тус чиглэлээр сургалт явуулдаг иргэд, байгууллагуудын мэдлэг чадварыг нэмэгдүүлэх, нэгтгэх , нийгмийн оролцоог идэвхижүүлэх замаар улс орны хөгжилд хувь нэмэр оруулах тэр дундаа балетын хөгжлийг дэмжих зорилготой.

Энэхүү тоглолтын талаарх мэдээлэл хүргэх хүлээн авалт өнөөдөр буюу өнөөдөр 11:30-аас БНСУ-ын ЭСЯ-ны нэгдүгээр давхарт болох аж. Тоглолтыг “Монголын балетын хөгжил сан”, “Монголын балетын урлагийн холбоо” хамтран зохион байгуулж байгаа бөгөөд энэ сарын 19, 20-ны өдрүүдэд болох аж.