Монгол банкнаас сар тутам олгодог ипотекийн зээлийн эх үүсвэрээр олгох зээлдэгчийн 25 хувь нь хөдөө орон нутгаас хамрагдсан байх чиглэлийг банкуудад өгчээ.  Ингэснээр банкнаас зээлийн шийдвэр нь гарсан ч ипотекийн зээлийн санхүүжилт хүлээж байсан дийлэнх иргэдийн асуудал шийдэгдэхийн зэрэгцээ цаашид зээлийн хүртээмж орон нутагт нэмэгдэх бололцоотой болж байгаа аж.

Орон нутаг дахь ипотекийн зээлийн хүртээмжийг нэмэгдүүлэх зорилгоор олгосон энэхүү санхүүжилтийн зарцуулалтад Монголбанк хяналт тавьж ажиллах ажээ. Одоогоор Монгол банкнаас арилжааны банкуудад сардаа дунджаар 25 орчим тэрбум төгрөгийг ипотекийн зээлд зориулан өгч байгаа билээ.