Парламентад суудалтай улс төрийн гурван намын хоёр нь нэр дэвшигчээ тодрууллаа. Өчигдөр МАН-ын Бага хурал Тусгаар тогтнолын ордонд хуралдаж намын дарга, УИХ-ын дарга М.Энхболдыг Монгол Улсын Ерөнхийлөгчид өрсөлдүүлэх шийдвэр гаргасан юм.

Харин АН-ынхан намын дотоод сонгуулиар таван нэр дэвшигчийг өрсөлдүүлж, Х.Баттулга онооны системээр хамгийн өндөр буюу 2740 оноог авч, бусад таван өрсөлдөгчөөсөө илүүрхлээ. Тэгвэл, АН-ынхан энэхүү сонголтыг ирэх бямба гарагт хуралдах намынхаа Их хурлаар баталгаажуулах учиртай.

Дотоод сонгуулийн дүн албан ёсоор гарсан дүн мэдээг өнөөдөр Төрийн ордны А танхим буюу Чингис хааны нэрэмжит танхимд 12:00 цагаас танилцуулах аж. Харин Ардын намынхан 11.00 цагаас мөн л Бага хурлын гаргасан шийдвэрийг сэтгүүлчдэд танилцуулах юм байна. Парламентад суудалтай улс төрийн гуравдагч хүчин бол МАХН юм. Өнөө хэр нэр дэвшигчээ тодруулаагүй ажин түжин байгаа МАХН-ынхан маргааш Бага чуулганаа хийж, нэр дэвшигч тодруулах уу, эсвэл хоёр том намын аль нэгийг дэмжиж орох уу гэдэг шийдвэрээ гаргахаар тогтжээ.