МАН-ынхан өчигдөр Тусгаар тогтнолын ордонд Бага хурлаа хийж УИХ-ын дарга, МАН-ын дарга М.Энхболдыг Ерөнхийлөгчийн сонгуульд өрсөлдүүлэх шийдвэрт хүрсэн. Тэгвэл М.Энхболд даргын нэрийг СЕХ-нд өгснөөр тэрбээр намын болон улс төрийн сонгуульт албан тушаалаа хүлээлгэн өгөх учиртай.

Ингэснээр эрх мэдлийн төлөөх тулаан энэ намд өрнөж эхлэх нь тодорхой байгаа юм. Саарал ордонд эртнээс нисч буй “бор шувуу”-ны жиргээнээс дуулахад намын даргатайгаа Ерөнхийлөгчид өрсөлдсөн Ц.Нямдорж гишүүн УИХ-ын даргын суудалд тухлах бололтой. Энэ тохироо ч эртнээс хийгдсэн байсан гэх. Харин УИХ-ын дэд даргын суудал УИХ-ын гишүүн Ө.Энхтүвшинд очно гэх яриа байгаа юм.

Намын даргыг суудлыг бүр биш түр эзлэх хүн нь Ардын намын Ерөнхий нарийн бичгийн даргаар ажиллаж буй Д.Амарбаясгалан гэх залуу улстөрч байх нь гэх яриа ч хэдийнэ гараад байна. Өөрөө энэ мэдээллийг нотлоогүй ч ийм яриа хийгдсэн байх магадлалтай. Хэрвээ МАН-ын дарга М.Энхболд Ерөнхийлөгчид өрсөлдөөд бүдэрлээ гэхэд эргээд суудалдаа ирнэ. Тиймээс намын албан тушаалаа бүр биш түр хүлээлгэн өгөх магадлалтай юм.