Ардчилсан намын наймдугаар Их хурал түр завсарлаж, эргээд хуралдаж эхэллээ. Түр завсарлах хугацаанд Үндэсний бодлогын хорооны 389 гишүүнийг батламжлах болон Ерөнхийлөгчид нэр дэвшигчийг батламжлах асуудлаар нууц санал хураалт явуулж, улмаар санал хураалтын дүн гарсан байна.

Үндэсний бодлогын хорооны гишүүдийг батламжлах нууц санал хураалтад 925 төлөөлөгч оролцож 919 хүний санал хүчинтэйд тооцогдож, 98.5 хувийн саналаар дэмжжээ. Харин нэр дэвшигч Х.Баттулгыг батламжлах нууц санал хураалтад 938 гишүүн санал өгч, 934 санал хүчинтэйд тооцогдсон байна. Улмаар 903 хүн  буюу 96.3 хувь нь  дэмжжээ. Ингэснээр нэр дэвшигч Их хурлаар баталгаажлаа. Яг одоо түүнийг батламжилсан тогтоолыг танилцуулж байна.