Монгол иргэд галт тэрэгний зүтгүүрт их хэмжээний галт зэвсэг, сум нууж хилээр нэвтрүүлэхийг завджээ. Тодруулбал, тэд Орос-Монголын хилийн Наушк боомтоор галт тэрэгний зүтгүүрт их хэмжээний сум, галт хэрэгсэл тээвэрлэж яваад Буриадын гаалийн албаныханд саатуулагдан шалгагджээ.

Тэд “Стандарт” бууны 22 калибрын 37.5 мянган сум нууцаар хилээр гаргахыг завдсан аж. Мөн ачаанд нийтдээ дөрвөн үүргэвчинд хийсэн 750 хайрцаг сум байсан гэнэ. Гэмт этгээдүүдийг хууль бус бараа тээвэрлэхийг завдсан хэмээж, дөрвөн хүнийг саатуулан, сум галт хэрэгслийг хураан авсан байна.

Шалгалтын үеэр хоёр нь Хиагт боомт руу зугтахыг оролджээ. Тус улсын хуулиар их хэмжээний сум, галт хэрэгсэл хилээр нэвтрүүлэхийг завдсан бол 3-7 жилийн хорих ялаар шийтгэж, нэг сая рубль хүртэлх торгууль ногдуулдаг юм байна.