Зохион байгуулагч: “Номын соёлт ертөнц”  төрийн бус байгууллагаас “Ulaanbaatar book fair” номын баярын үйл ажиллагааг Сүхбаатарын талбайд 21 дэх жилдээ зохион байгуулж байна.

Энэ удаагийн номын баярыг  “Эмпати ертөнц” ХКК, Нийслэлийн соёл урлагийн газар, Улаанбаатар хотын нийтийн төв номын сан, Монголын үндэсний олон нийтийн радио телевиз, Монцамэ агентлаг, Монгол кино нэгтгэл, Хаан банк,  Ганаа майхан зэрэг байгууллага үйл ажиллагаагаараа дэмжин ажиллаж байгаа аж.

Тус номын баяр нь Монголын ном бүтээгчид, гадны соёлын байгууллага, хэвлэн нийтлэгчид мэдээллээ түгээх, харилцан соёлын солилцоо өрнүүлэх зорилготойгоороо онцлогтой юм.

21 дэх “Ulaanbaatar book fair”  олон улсын номын баярын үйл ажиллагаанд “Хорвоогийн олон өнгө” олон улсын хэл соёлын их наадам, их зохиолч Ч.Лодойдамбын  100 жилийн ойд зориулсан  арга хэмжээнүүд болох юм байна.

Мөн энэ жилийн номын баярт АНУ, Франц, Солонгос гэх зэрэг соёлын байгууллага ном бүтээл, хэл соёлоо сурталчлан оролцож байгаа бол 18 улсын хүүхэд залуус, Улаанбаатар чуулга,  Монгол кино нэгтгэл урлагийн тоглолтоо толилуулах гэнэ. Номын баяр энэ сарын 12, 13 хүртэл Сүхбаатарын талбайд болно. Ингээд номын баярын хөтөлбөрийг дэлгэрэнгүй хүргэж байна.

• Ч.Лодойдамба-100 дүрийн тоглолт
• Хорвоогийн олон өнгө урлагийн тоглолт
• Улаанбаатар чуулгын тоглолт
• Явуулын номын сангийн үйлчилгээ
• Хотын нийтийн номын сангуудын өдөрлөг
• Олон улсын номын сангийн чиг хандлага, үйлчилгээ уулзалт
• Цахим номын сангийн өнөөгийн чиг хандлага танилцуулга
• Монгол дахь гадаадын соёлын төвүүдийн үзэсгэлэн
• Book art үзэсгэлэн
• Уран бичлэгийн үзэсгэлэн
• Номын тэмдэглэлийн үзэсгэлэн
• Шинэ номын нээлт, танилцуулга
• Зохиолчдын гарын үсэгтэй, хямдралтай худалдаа
• Орон орны хэлээр яруу найргийн уншлага
• Номын клубын өдөрлөг
• Циркийн үзүүлбэр
• Номын хандив цуглуулах
• “80 номын уналт” хөгжөөнт тоглоом