НМХГ-аас Нийслэлийн есөн дүүргийн нийт 34 обьектод хуурамч тос тосолгооны материал худалдахаас урьдчилан сэргийлэх үүднээс энэ төрлийн үйл ажиллагаа явуулдаг иргэн, аж ахуйн нэгжид хяналт шалгалтыг хийжээ.

Шалгалтын үеэр хэд хэдэн зөрчлүүд илэрсэн байна. Тухайлбал,  зам дагуу байрлалтай жижиг ТҮЦ-үүдээр лац нь хөдөлсөн, тосны шинжилгээний бичиггүй, хэрэглэх зааваргүй тос тосолгооны материалууд худалдаалагдаж байсан нь хяналт шалгалтаар тогтоогджээ.

Сольсон тосыг гадуур гар дээрээс болон тос худалдаалах зөвшөөрөлгүй цэгүүдээр худалдаалж иргэдийг хууран мэхэлж хохироодог байсан нь хууль хяналтын байгууллагын шалгалтаар илэрсэн байна. Хуурамч байх магадлалтай тосыг лабораторийн шинжилгээнд оруулахад тосны зууралдах шинж шаардлага хангаагүй байсан аж.

Тиймээс иргэд автомашины тос тосолгооны материал худалдан авахдаа дараах зүйлсийг анхаарч худалдан авалтаа хийхийг анхаарууллаа.

• • Тос худалдаж авахдаа тосны шинжилгээний бичиг, хэрэглэх заавар зэрэг холбогдох бичиг баримтуудыг шалгах

• • Худалдаж авах тос, тосолгооны материалын сав баглаа боодол, хаяг шошго, лац таглаа битүүмжийг сайтар шалгаж авах. Савны гадна талд үйлдвэрлэсэн он сар өдөр, хадгалах хугацаа, зориулалт, хэмжээ, тосны ангилал зэрэг мэдээллүүдийг бичсэн байдаг ба онгойлгох таг нь лацтай дотор талдаа уян давхар тагтай байдаг.

• • Савны шошго дээр тосны ангилал буюу Зунгалаг чанар-тосны хир өтгөн шингэн болохыг тодорхойлсон үсгэн тэмдэглэгээ байдаг. SAE ангилал нь тосыг ямар улиралд хэрэглэхийг тогтоодог. Жишээ нь: Өвлийн тос: SAE 0W, 5W, 10W, 15W, 20W, 25W Winter-Өвөл /W-Өвөл гэсэн үг/, Зуны тос: SAE 20, 30, 40, 50, 60. Summer-Зун, Бүх улирлын тос: SAE 5W/30, SAE 0W/40, SAE 10W/30 гэх мэт.

• • Автомашины хөдөлгүүр, хурдны хайрцагын тос солихдоо өөрийн тээврийн хэрэгслийн эд анги дээр тэмдэглэгдсэн тэмдэглэгээний дагуу тосны ангилал, маркийг сонгох нь зүйтэй. Ангилал таарахгүй тос хийж хэрэглэснээс болж автомашины хөдөлгүүр, хурдны хайрцаг, бусад эд ангиудад эвдрэл гэмтэл гарах магадлалтай байдаг байна.

• • Автомашины хөдөлгүүрийн тос солих хоолойн таган дээр тосны марк ангилалыг тэмдэглэсэн байдал зэргийг сайтар үзэж худалдан авалтаа хийхийг зөвлөж байна. Түүнчлэн тосолгооны