Загвар өмсөгч Хайли Болдвин эрчүүлийн “Maxim” сэтгүүлийн энэ оны дэлхийн хамгийн дур булаам бүсгүйгээр шалгарчээ. Жүжигчин Стивен Болдвиний охин эдүгээ 20 настай энэ бүсгүй 17 наснаасаа загварын ертөнцөд хөл тавьж, “Guess” брэндийн нүүр царай болж байсан байна. Тэгвэл тэрбээр энэ оны тус сэтгүүлийн халуухан 100 бүсгүйн жагсаалтыг тэргүүлсэн байна.

Бүсгүй сэтгүүлд алдар хүнд, хайр сэтгэлийн талаар ярилцлага өгчээ. Найз залуугийнхаа тухайд “Болзох нь ховор ч, үнэхээр хөгжилтэй нэгэн” гэж тодорхойлсон байна.

Тэрбээр өмнө нь дуучин Жастин Бибер, реппер Дрейк нартай үерхэж байсан юм. Өнгөрсөн онд энэхүү жагсаалтыг загвар өмсөгч Стелла Максвелл тодорч байсан бол 2015 онд дуучин Тайлор Свифт тэргүүлж байжээ.