Английн хөлбөмбөгийн хоёрдугаар дивизон буюу “Чампионшип” лигт 4-6 дугаар байрт шалгарсан багууд плей-ооф шатны тоглолт хийсэн билээ. Тэгвэл плей-офф шатанд премьер лигт дэвших эрхийн төлөө тоглолт хийхээр шалгарч үлдсэн “Хаддерсфилд” болон “Рединг” багуудын “тулаан” өнгөрсөн шөнө боллоо.

Энэхүү хариуцлагатай тоглолтод “Хаддерсфилд” клуб өрсөлдөгчөө торгуулийн цохилтоор буулгаж авч, премьер лигт орох эрхээ авлаа. Өмнө нь тэд “Шеффилд Уэнсдей” клубыг мөн торгуулийн цохилтоор буулгаж авсан. Эхний тоглолт 0:0, хариу тулаанд 1:1-ээр тэнцэж, улмаар торгуулийн цохилт цохиход 4:3-аар ялсан юм.

Тэгвэл “Рединг” клуб “Фүлхэм”-ийг хоёр тоглолтын нийлбэр дүнгээр 2:1-ээр хожсон. Ийнхүү сүүлчийн шатанд хоёр баг хариуцлагатай тоглолт хийхэд үндсэн цагт хуурай тэнцсэн юм. Улмаар торгуулийн цохилт цохиход “Хаддерсфилд” өрсөлдөгчөө 4:3-аар хожиж, премьер лиг рүү дэвших эрхээ авлаа.