Монголын хошин урлагийн отгон продакшн болох “Эмоци”-ийн жүжигчин Тэмкагийнх шинэхэн гишүүнээр бүл нэмжээ.

Урлагийн салбараас төрсөн сайхан хосуудын нэгд зүй ёсоор тооцогддог жүжигчин С.Тэмүүжин, Г.Нарансолонго нар хоёр хүү, нэг охинтой. Сүүлийн үед хамтлагийнхаа тоглолтод Г.Нарансолонго оролцоогүй бөгөөд тун удахгүй дөрөвдэх үрийнхээ зулайг үнэрлэх гэж буйгаа хосууд шүтэн бишрэгчиддээ мэдэгдээд байсан юм.

Тэгвэл өчигдөр Тэмкагийн бяцхан охин хорвоод дуугаа хадаан мэндэлжээ. Эх хүүхдийн биеийн байдал эдүгээ сайн байгаа аж.  Энэ талаар жүжигчин н.Тэмүүжин өөрийн фэйсбүүк хуудастаа “Орчлонд орь дуу хадаан охин үр минь мэндэллээ. Хайрт ханьдаа баярлалаа. Амьдрал ямар сайхан юм бэ” гэх тайлбартайгаар зургаа нийтэлжээ.