Хан-Уул дүүргийн нутаг дэвсгэрт үйл ажиллагаа явуулдаг "Говь" ХК-ийн объектод өчигдөр 20 цаг 45 минутад гал гарсан билээ. 

Тодруулбал, 20 цаг 45 минутад Онцгой байдлын ерөнхий газарт мэдээлэл иржээ.  Гал түймрийг унтраах ажилд Нийслэлийн онцгой байдлын газрын бүх анги байгууллага, Нийслэлийн цагдаагийн газар, Хан-Уул дүүрэг цагдаагийн 1, 2 дугаар хэлтсийн алба хаагчид шөнөжин ажилласан гэнэ. 

Гал түймрийн улмаас хүний амь нас, эрүүл мэнд хохироогүй бөгөөд байгууллагын эд материалыг алдагдахаас урьдчилан сэргийлэн ажиллаж байгаа аж. Мөн энэ асуудлаар Шадар сайд өрөөндөө мэдээлэл хийх гэнэ.

Галын хохирлын хэмжээг урьдчилсан тооцох аргагүй ч тоног төхөөрөмжийг авран хамгаалж чадсан, мөн АПУ компани аврах гал унтраах ангийнханд усаараа тусалж байсан гэх нэг ч гэсэн гэрэлтэй мэдээ дуулдав. Мөн иргэд цахим орчинд Говь компанийг аврах хөдөлгөөн өрнүүлж эхэлжээ. 1500 хүний амьдрал, ажил яригдаж байгаа учраас иргэд ч энэхүү уриалгыг дэмжиж, бүтээгдэхүүнээс нь худалдаж авах, мөнгө хандивлахад бэлэн байгаа гэдгээ илэрхийлэв. 

Н.Батзаяа