Монгол Улсын эдийн засгийг сэргээх нэг гарц нь аялал, жуулчлалын салбар хэмээн холбогдох мэргэжилтнүүд тодорхойлж буй. Тиймээс ч Засгийн газраас Монголын аялал жуулчлалын салбарыг хөгжүүлэхэд анхаарч, хөтөлбөр хэрэгжүүлж байгаа билээ. Энэ хүрээнд Зайсангийн аманд 264 автомашины зогсоолыг барихаар болсон юм.

Тэгвэл уг ажил энэ долоо хоногт эхлэх гэнэ. Тодруулбал, Нийслэлийн авто замын хөгжлийн газраас гурван тэрбум орчим төгрөгийн төсвийг батлуулжээ. Одоогоор гүйцэтгэгч компанийн сонгон шалгаруулалт болж байгаа бөгөөд зогсоолын ажил энэ долоо хоногт эхлэх гэнэ. Авто цогцолбор баригдсанаар нийт 264 автомашины, 60 дугуйны зогсоолтой болох ажээ.