Өнгөрсөн хугацаанд Монгол орон даяар хуурайшилт ихэссэнээс болж хэд хэдэн газар түймэр гараад байсан билээ. Тодруулбал, энэ сарын 21-ний өдрийн байдлаар Улаанбаатар хотод 16 удаа, Архангай, Баян-Өлгий, Булган, Дорнод, Завхан, Сүхбаатар, Сэлэнгэ, Төв, Ховд, Хөвсгөл, Хэнтий аймгийн 49 суманд 89 удаа, нийт 105 удаагийн ой, хээрийн гал түймэр гарчээ. Түймрийн улмаас   38821.3 га ой, 27687 га хээр, нийт 66508,3 га талбай түймэрт өрсөн байна. Түймрийг  унтраахын тулд  хуурайшилттай байгаа бүс нутагт зориудаар хур тунадас нэмэгдүүлэх ажлыг Төв аймаг болон Улаанбаатар хотын бүс нутагт ажиллаж буй ЦУОШГ-ын нэг  экспедиц тус тус хариуцжээ.

Уг ажлын үр дүнд Төв аймгийн нутгаар 0,6-41 мм, Булган аймгийн нутгаар 0,1-5 мм, Сэлэнгэ аймгийн нутгаар 0,8-30,7мм, Хэнтий аймгийн нутгаар 0,0-4,3мм, Улаанбаатар хотын бүсэд нутгаар 37,0-63,6мм хур тунадас оржээ. Ойн түймэртэй байсан Ерөө сумын нутгаар 24,4мм, Батсүмбэр сумын нутгаар 38,0мм хур тунадас оржээ. Мөн  Эрдэнэ сумын нутгаар 13 мм, Мөнгөнморьт 22 мм, Хутаг-Өндөр сумын нутгаар 5 мм, Тэшиг сумын нутгаар 10 мм, Өмнөдэлгэр сумын нутгаар 0,5, Батширээтэд 4 мм, хур тунадас орсон байна. Харин зориудаар үүл буудаж, бороо оруулах ажиллагаанд 146 ширхэг пуужин ашигласан талаар  БОАЖЯ-ны Ойн бодлого зохицуулалтын газрын ахлах мэргэжилтэн Ц.Чулуунбаатар нэгэн сайтад өгсөн ярилцлагадаа дурьджээ.