Хууль зүй, дотоод хэргийн яамнаас УИХ-аар шинэчлэн батлагдсан Эрүүгийн тухай хууль, Зөрчлийн тухай хууль, Эрүүгийн хэрэг хянан шийдвэрлэх тухай хууль, Зөрчил шалган шийдвэрлэх тухай хууль, Прокурорын тухай хууль болон Шүүхийн шийдвэр гүйцэтгэх тухай хуулийн тухай сургалтыг аймгийн хууль сахиулах чиг үүрэг бүхий байгууллагуудын 180 гаруй алба хаагч нарыг хамруулан, энэ сарын 19-23-ны өдрүүдэд зохион байгуулж байна.

Сургалтын нээлтэд УИХ-ын гишүүн Б.Дэлгэрсайхан, аймгийн Засаг дарга Т.Энхтүвшин оролцсон юм. Сургалтыг нээж, тус аймгийн Засаг дарга Т.Энхтүвшин "Аймгийн хэмжээнд 2017 оны эхний таван сарын байдлаар бүртгэгдсэн гэмт хэрэг өмнөх оны мөн үетэй харьцуулахад 1.5 хувиар, захиргааны зөрчил өмнөх оны мөн үеэс 50.4 хувиар өссөн үзүүлэлттэй байна. Энэ ч үүднээс энэхүү сургалтын үр дүнд хууль сахиулах чиг үүрэг бүхий төрийн алба хаагч та бүхэн шинээр дагаж мөрдөгдөж буй хуулиудыг нэг мөр ойлгож, иргэдэд таниулан сурталчлах, иргэдийн хуулиар олгогдсон эрх, ашгийг хамгаалж, гэмт хэрэг, зөрчлийн гаралтыг бууруулах, тэдгээрээс урьдчилан сэргийлэх арга хэмжээг шуурхай хэрэгжүүлэн ажиллана гэдэгт итгэж байна" гэв.

Сургалтыг УЕПГ-ын хяналтын прокурор Д.Үүлэн, УЕПГ-ын хяналтын прокурор З.Сансарзолбоо, ШЕЗ-ийн Шүүхийн судалгаа, мэдээлэл, сургалтын хүрээлэнгийн захирал Ц.Мандах, ШШГЕГ-ын Дотоод аюулгүй байдал, хяналт шалгалтын газрын аудитор, хурандаа Б.Наран ХСИС-ийн Хэвлэл, редакцийн хэлтсийн дарга С.Гантулга, Замын Цагдаагийн албаны Орон нутгийн хяналтын хэлтсийн ахлах зохицуулагч, цагдаагийн дэд хурандаа Б.Алтансүх, Замын цагдаагийн албаны Захиргааны удирдлагын хэлтсийн сургалтын ахлах мэргэжилтэн, цагдаагийн хошууч Б.Гомбосүрэн, Цагдаагийн дэд хурандаа Б.Алтансүх, Цагдаагийн сургуулийн Мөрдөх албаны тэнхимийн ахлах багш, ахмад Я.Цэлмэн нар зохион байгуулж байна.