Хотон шувууны хошууг хилээр гаргахыг завдсан хэсэг этгээдүүдийг барьсан байна. Тодруулбал, Баян-Өлгий аймгийн Цагдаагийн газрын алба хаагчид Увс аймгийн Ховд сумын харьяат С, Баян-Өлгий аймгийн Өлгий сумын харьяат А, С нар Монгол Улсын хилээр хууль бусаар олон тооны хотон шувууны хошууг нэвтрүүлж, худалдахыг завдсан хэргийг илрүүлжээ.

Хотон шувуу нь Монгол Улсын нэн ховор амьтан бөгөөд “Улаан ном”-д бүртгэгдсэн байдаг аж. Хотон шувуу ихээр хорогдох болсон нь манай улсын иргэд хотон шувууны хошуугаар хурдан морины хусуур хийдэгтэй холбоотой гэнэ. Мөн хотон шувууны хошууны үнэ 500.000-800.000 төгрөг байдаг ажээ.