МАН-аас сонгуулийн асуудалтай холбогдуулан мэдээлэл хийлээ. Мэдээллийг МАН-ын Намын байгуулалтын газрын дарга Б.Баярсайхан хийв. Тэрбээр “Төв аймагт санал авах машин ажиллахгүй байгаа нь СЕХ-оо санал хураалтын хангалттай бус  хийсэнтэй холбоотой. Нөгөө талаас сонгуулийг будлиантуулах гэсэн оролдлого.

СЕХ-нд  Төв аймгийн бүх хэсгийн хороодод Сүхбаатар аймгийн баартай саналын хуудас уншуулснаас болж саналын машин ажиллахаа больсон. Тиймээс СЕХ-нд Төв аймгийн бүх хэсгийн хороодод хоёр намын ажиглагч нарыг байлган хяналтын тооллого хийх ёстой хэмээн шаардлага хүргүүллээ” гэв.

Төв аймагт 16:00 цагаас эхлэн зарим хэсгийн хороодын санал хураах хар машин ажиллаж эхэлсэн ч үдээс өмнөх саналыг зайлшгүй гараар тоолох шаардлагатай ажээ. Мөн нөгөөтэйгүүр МАН-аас нэр дэвшигч М.Энхболдын төрсөн нутагт уг хэрэг явдал болсон нь сошиал ертөнцөд М.Энхболдыг хийсэн мэтээр мушгин гуйвуйлсан мэдээлэл тарж байна хэмээн мэдээллийн үеэр онцоллоо.