АТГ-аас төрийн өндөр албан тушаалтнуудын хөрөнгө орлогын мэдүүлгийг олон нийтэд дэлгэсэн билээ. Тэгвэл манай сайт уг мэдээллийг хэсэгчлэн та бүхэнд хүргэж байна. Энэ удаад сайд нарын хөрөнгө оруулгын мэдүүлгийг онцоллоо.

Энэ удаагийн хөрөнгө орлогын мэдүүлгээр 2016 онд Эрчим хүчний дэд сайд Т.Гантулга 2016 онд 528.49 сая төгрөгийн орлого олж бусдыгаа хошуулчилжээ. Харин хамгийн их зээл авсан сайдаар Эрүүл мэндийн сайд А.Цогцэцэг шалгарчээ.

Тэрбээр нийт 2.74 тэрбум төгрөгийн зээлтэй хэмээн хөрөнгө орлогын мэдээлэлдээ тусгажээ. Гэвч эрхэм гишүүн гэр бүл нийт 396 сая төгрөгийн орлого олж, хамгийн их орлого олсон гэр бүлээр нэрлэгдлээ. Байгаль орчин, аялал жуулчлалын сайд Д.Оюунхорол 9.17 тэрбум төгрөгийн үнэ бүхий орон сууц, барилга байгууламжтай хэмээн мэдүүлж, анги хамт олноо манлайлж явна.

Мөн тэрбээр 207.89 сая төгрөгийн үнэ бүхий газартай хэмээн бусдыгаа мөн л хошуучилжээ. Харин Зам тээврийн хөгжлийн сайд Д.Ганбат 1.15 тэрбум төгрөгийн үнэт эдлэл, урлаг түүхийн үнэт зүйлтэй байна. Тэгвэл Шадар сайд У.Хүрэлсүх 1.76 тэрбум төгрөгийн хадгаламж, бэлэн  мөнгө, дансны үлдэгдэлтэй хэмээн мэдүүлжээ. Хууль зүйн сайд С.Бямбацогт хоёр тэрбум төгрөгийн авлагатай гэж ХОМ-тэй тусгажээ.