ОБЕГ: 13 түймрийг цурманд оруулж, хоёр түймрийг бүрэн унтраажээ
Өнөөдрийн байдлаар улсын хэмжээнд гараад байсан 21 түймрээс 13 түймрийг цурманд оруулж, гурван түймрийг бүрэн унтраахаар ажиллаж байгаа талаар Онцгой байдлын ерөнхий газраас мэдээллээ.
Тодруулбал, Булган аймгийн Сэлэнгэ сумын Таримал багийн “Таримлын-Эх” гэдэг газар ойн түймэр гарсан тухай дуудлагыг энэ сарын 14-ний 18:48 цагт иржээ. Дуудлагын дагуу тус аймгийн Онцгой байдлын газрын 24 алба хаагч, орон нутгийн 12 иргэн, нийт 36 хүн, дөрвөн техник хэрэгсэлтэйгээр ажиллаж энэ сарын 17-ны 16:50 цагт цурманд оруулан бүрэн унтраахаар ажиллаж байна.
Мөн Сэлэнгэ аймгийн Ерөө сум, Буурагчин багийн “Өлөнт” гэдэг газар гарсан ойн түймэр гарч, Орхон аймгийн Онцгой байдлын газрын 30 алба хаагч, орон нутгийн хоёр иргэн, нийт 32 хүн, гурван техник хэрэгсэлтэйгээр ажиллаж 07.19-ний өдрийн 06:20 цагт цурманд оруулж бүрэн унтраахаар ажиллаж байгаа талаар холбогдох газраас мэдээллээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
