Уран бүтээлч М.Болортуяагийн “Амьтад” үзэсгэлэн өнөөдөр “Blue Moon”арт галерейд нээгдэнэ. Уг үзэсгэлэнд нийт 20 гаруй тосон болон усан будгийн бүтээлүүд, судалбар тавигдах ажээ.

“Blue moon” арт галерей нь 2015 оны дөрөвдүгээр сард "Хустайн цогцолборт газар" ТББ-тай хамтран цогцолборт газрын түүх соёлын дурсгалт зүйлсийг хамгаалах, тахь судлалыг урлагаар дамжуулан хадгалан хамгаалан сурталчлах зорилгоор судалгаа, судалбар зургийн аяллыг гишүүн уран бүтээлчдийн хамт зохион байгуулсан байна.

Тэрбээр, уг аялалд явсан бөгөөд аялалын хугацаанд хийсэн судалбар судалгаа, этюдээрээ хоёр дахь бие даасан үзэсгэлэнгээ гаргаж байгаа аж. Мөн тэрбээр уг үзэсгэлэнгээрээ дамжуулан нийгэмд нөлөөлж, урлагийн боловсролыг түгээн дэлгэрүүлэхийг зорьж буй гэнэ. Үзэсгэлэнгийн нээлт 18:00 цагт болно.